Авторот на петицијата за отцепување на Калифорнија ќе се пресели во Москва

Луис Маринели ја состави петицијата за излегување на Калифорнија од составот на САД во септември 2016 година.

Авторот на петицијата за излегување на Калифорнија од составот на САД Луис Маринели изјави дека планира трајно да се пресели во Русија.

„Пред сѐ би сакал да останам да живеам во Русија“, изјави Маринели за RT.

Според него, тој би сакал да се пресели во Москва. Во моментов живее во Екатеринбург.

Маринели ја состави петицијата за излегување на Калифорнија од составот на САД во септември 2016 година во Екатеринбург, каде што живее неговата сопруга Анастасија.

Маринели во февруари во интервју за RT изјави дека се враќа во САД да го подготви евентуалниот референдум за самоопределување на регионот. Тој притоа истакна дека се плаши дека би можел да има проблеми на граница, затоа што американските медиуми го прогласија за „таен агент на Кремљ“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња