Москва нема да му дава отчет на НАТО за „Искандерите“ во Калининград

Русија и НАТО ќе разговараат за „најакутните прашања кои ги загрижуваат двете страни во моментов“, изјави Андреј Келин од Министерството за надворешни работи на Русија.

Москва нема намера да му се правда на НАТО за распоредувањето на системите „Искандер“ во Калининград, изјави РИА „Новости“ Директорот на Секторот за европска соработка при Министерството за надворешни работи на Русија Андреј Келин.

Претходно магазинот „Шпигел“ напиша дека на претстојниот состанок на Советот Русија-НАТО Брисел наводно ќе побара објаснување за распоредувањето на „Искандерите“ кај Калининград.

„Никаков отчет нема да има, за тоа не станува збор“, изјави Келин како одговор на барањето да го коментира тој напис. Според претставникот на Министерството за надворешни работи на Русија, на средбата ќе има размена на мислења „за најакутните прашања кои ги загрижуваат двете страни во моментов“.

Така, според него, Русија ја загрижува распоредувањето ротационите баталјони на НАТО во Полска и балтичките земји, а Северноатлантската алијанса – воените вежби кои ги реализира Русија – „Запад“, „Кавказ“ и маневрите на Крим.

„Тоа е она за што ќе се разговара: за транспарентноста, размена на мислења и отстранувања на постојната загриженост“, изјави Келин.

Тој додаде дека средбата ќе биде „на ниво на постојани претставници и амбасадори“.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња