Шестмина припадници на „Росгвардија“ убиени во Чеченија

Уште неколкумина припадници се ранети во нападот кој го извршиле милитанти.

Шестмина припадници на „Росгвардија“ загинаа во Чеченија, одбивајќи напад на група милитанти, соопшти за „Интерфакс“ прес-службата на Националната гарда.

„При обид да навлезат на територијата на касарна, бандата беше откриена од стражарската служба која стапи во борба со неа. Беа убиени шестмина напаѓачи. Во текот на борбениот судир загинаа шестмина војници, има и ранети“, изјавија од „Росгвардија“.

Според информациите на службата, во петокот околу 02:30 часот ноќта група вооружени милитанти се обидела да навлезе на територијата на една од касарните на Националната гарда.

„Во текот на нападот милитантите ја искористиле силната магла. Како резултат на одлучни дејствија на војниците спречено е навлегување на бандата во касарната“, потенцираат од „Росгвардија“.

„Росгвардија“ е активно вклучена во контратерористичките операции на Северен Кавказ.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња