Првиот круг од претседателските избори во Еквадор го доби... Ленин

Според резултатите од претседателските избори што се одржаа во неделата во Еквадор, води Ленин Морено, кандидат на „Алијанса ПАИС“ и протеже на сегашниот претседател Рафаел Кореа, соопшти Централната изборна комисија.

Како што соопшти претседателот на изборната комисија Хуан Пабло Поцо, по обработката на 51,8% од гласачките ливчиња Морено има 38,26% од гласовите. Него го следи претставникот на движењето КРЕО-СУМА Гиљермо Ласо со 29,86%, пренесува „Взгљад“.

За да победи во првиот круг, кандидатот мора да добие повеќе од 50% од гласовите, или 40%, но разликата меѓу него и противникот треба да биде 10%. На тој начин, во Еквадор ќе се одржи втор круг избори, за кој се очекува да биде на 2 април.

Ленин Волтер Морено Гарсес е адвокат и политичар. Заменик-претседател на Еквадор од 2007-2013. Од 2013 година е специјален пратеник на Генералниот секретар на ООН за попреченост и пристапност.

Необичното име го добил од татка си кој ја идеализирал руската револуција.

 

 

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња