Понеделник Ден на жалост по повод падот на Ту-154 и во Белорусија

25 декември 2016

Руска реч на македонски

Претседателот на Белорусија Александар Лукашенко испрати телеграма со сочувство до рускиот претседател Владимир Путин во врска со несреќата на авионот Ту-154 во близина на Сочи, при што загинаа 92 луѓе. Минск ја објави својата намера да се приклучи на денот на жалост во Русија.

Во соопштението на сајтот на претседателот на Белорусија се вели дека Лукашенко наредил да се спуштат на половина копје државните знамиња над резиденцијата на белорускиот претседател и другите државни установи ширум земјата во понеделник, 26 декември, во знак на солидарност и тага.

Утре Ден на жалост во Русија

Исто така ќе бидат ограничени и одржувањето и преносите на забавни манифестации и програми. На телевизиите и радио-станиците им е препорачано да ги имаат предвид наведените околности при оформувањето на програмата.

Сочувство до Русија во врска со трагедијата на авионот Ту-154 во неделата изразија повеќе земји.

Претседателот на Турција Реџеп Таип Ердоган му се јави на Владимир Путин и изрази сочувство до рускиот народ, пренесува „Взгљад“.

Сите права ги задржува „Росијскаја Газета“.

русија и поранешните советски републики авионска несреќа Накратко