Путин: трагедијата во Берлин потресува со суровоста и цинизмот

Претседателот на Русија Владимир Путин изјави дека трагедијата во Берлин е злосторство против цивили кое потресува со неговата суровост и цинизам.

Изјавата на Путин е објавена на сајтот на Кремљ.

„Злосторството, извршено против цивили, потресува со својата суровост и цинизмот“, ги цитира прес-службата зборовите на рускиот претседател, пренесува РТ на руски.

Се истакнува дека Путин изрази сочувство до претседателот на Германија Јоахим Гаук и канцеларката Ангела Меркел. Тој изјави зборови на сочувство и поддршка до семејствата и пријателите на жртвите, како и желби за поскоро закрепнување на сите кои настрадаа од рацете на напаѓачот.

Претходно беше соопштено дека зад воланот на камионот кој влета во маса луѓе на божиќниот панаѓур во Берлин се наоѓал 23-годишен Пакистанец.

Според последните информации, загинаа 12 лица, додека повеќе од 50 се здобија со повреди од различна тежина.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња