Песков: Обвинувањата на шефот на МИ-5 се неосновани

„Тие зборови не одговараат на реалноста. Ние не можеме да се согласиме со нив. Сѐ додека некој не наведе некакви докази, некакви изјави, независно дали се тоа шефот на МИ-5, потпретседателот на САД или други одговорни лица, ние ќе ги сметаме тие изјави за нерагументирани и неосновани. И ние не можеме да ги земеме предвид тие неосновани изјави“, изјави Песков одговарајќи на новинарско прашање, пренесува „Интерфакс“.

Шефот на британското разузнавање ја смета Русија за закана

Притоа портпаролот на шефот на руската држава рече: „Можам да се согласам со шефот на МИ-5 во едно – Русија навистина ќе ги искористи сите можности. Сепак за разлика од она што го кажа тој, сите можности предвидени со нормите на меѓународното право за промоција на своите интереси и заштита на своите интереси во странство“.

„Притоа Русија секогаш го прави тоа раководејќи се според принципите на заемно корисните односи и ориентирајќи се кон изградба на добри и заемно корисни односи со сите партнери“, изјави Песков.

Сите права ги задржува „Росијскаја Газета“.