МО РФ: САД се извинија за опасното доближување до Су-35 над Сирија

Американската страна упати извинување за опасното доближување до руски Су-35 над Сирија, соопшти портпаролот на Министерството за одбрана на Русија генерал-мајор Игор Конашенков.

„На 17 октомври оваа година во воздушниот простор источно од градот Деир Ез Зор, екипаж на американски радарски авион E-3 AWACS прекршувајќи ги правилата за безбедност на летањето се спуштил речиси на еден километар од висината што ја заземал и опасно се приближил на растојание помало од 500 метри до руски ловец Су-35“, истакна Конашенков, пренесува „Газета.ру“.

Според него, американската страна ветила дека ќе реализира неопходна работа со своите пилоти по случката. Конашенков исто така изрази зачуденост во врска со обидите на Пентагон да ја префрли одговорноста за настанот врз ВКС Русија и препорача во иднина „да бидат прибрани“.

Тој исто така истакна дека меѓу пилотите на Русија и САД во Сирија е воспоставена ефикасна соработка која ќе овозможи во иднина да се избегнуваат слични инциденти.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња