Грузиски политичари се степаа поради Русија

Предизборната ТВ-дебата заврши со тепачка во живо на телевизија меѓу кандидатите за парламентот на Грузија Ираклиј Глонти и Заза Аглаѕе, соопшти телевизијата „Евроњуз“ (Euronews).

На снимката од телевизиската дебата се гледа како претставникот на прозападно ориентираната партија Ираклиј Глонти го обвинува својот противник за проруска позиција. Како одговор на тоа Аглаѕе фрли чаша вода кон Глонти. Прозападниот политичар одговори на истиот начин. Потоа ривалите се степаа, а вработените во телевизијата мораа да се вмешаат за да ја прекинат тепачката, пренесува „Взгљад“.

Минатата недела предизборната дебата на кандидатите за грузискиот парламент Вепхија Гургенишвили и Полад Халиков исто така заврши со тепачка.

За парламентот на Грузија треба да бидат избрани 150 пратеници: 73 – по мнозински систем, 77 – по пропорционален, од партиските листи. Изборите треба да се одржат на 8 октомври.

Видеото од настанот можете да го погледнете овде.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња