МО РФ планира 48-часовни „хуманитарни паузи” во Алепо

48-часовните хуманитарни паузи би биле организирани секоја недела и би биле користени за „доставување до населението на храна, лекови и обнова на комуналните системи кои се разрушени во нападите на терористите“, соопшти Министерството за одбрана на Русија.

Министерството за одбрана на Русија е подготвено веќе од следната недела да воведе  48-часовна „хуманитарна пауза” во Алепо, соопшти портпаролот на МО РФ генерал-мајор Игор Конашенков.

„Подготвени сме наредната недела да воведеме 48-часовна „хуманитарна пауза“ за доставување на хуманитарна помош на жителите на Алепо како пилот-проект со цел да се осигура безбедноста при доставувањето на хуманитарната помош до цивилите во градот“, изјави Конашенков, пренесува „Взгљад”.

Генералот додаде дека 48-часовните хуманитарни паузи би биле организирани секоја недела и би биле користени за „доставување до населението на храна, лекови и обнова на комуналните системи кои се разрушени во нападите на терористите“, соопшти Министерството за одбрана на Русија“.

Сите права ги задржува „Росијскаја Газета“.