Суд во Лозана ја одби жалбата на Исинбаева и Шубенков

Швајцарскиот федерален суд во Лозана ја одби жалбата која денес ја доби од двојната олимписка шампионка во скок со стап Елена Исинбаева и минатогодишниот светски првак во трките на 100 метри со пречки Сергеј Шубенков, пишува ТАСС.

u0420u0443u0441u043au0438u0442u0435 u0430u0442u043bu0435u0442u0438u0447u0430u0440u0438 u043du0435 u043fu0430u0442u0443u0432u0430u0430u0442 u043du0430 u041eu043bu0438u043cu043fu0438u0458u0430u0434u0430u0442u0430 u0432u043e u0420u0438u043e

Жалбата на руските спортисти се однесуваше на одлуката на Судот за спортска арбитража од Лозана (CAS) со која не им се дозволува учество на Олимписките игри во Рио де Жанеиро.

„Не можам да зборувам детално, но тоа беше жалба која се однесуваше на воведувањето привремени мерки во вид на суспензија на одлуката на Судот за спортска арбитража сѐ додека не издаде соодветно образложение. Ваквата одлука нема во никој случај да нѐ запре од понатамошна постапка. Ќе продолжиме да работиме според планот, а ова е само мал чекор на почетокот“, рече Шубенков.

Претходно Судот за спортска арбитража на 21 јули донесе едногласна одлука да ја одбие жалбата на Олимпискиот комитет на Русија (ОКР) и 68 атлетичари на суспензијата за учество на Олимпијадата во Рио донесена од страна на Меѓународната атлетска федерација. Беше истакнато дека одлуката може да биде оспорена во Федералниот суд на Швајцарија во рок од триесет дена, пишува „Лента.ру“.

Сите права ги задржува „Росијскаја Газета“.