МНР РФ со коментар за плановите на САД за нова атомска бомба

„Колку што разбрав, се работи за почеток на нова фаза во подготовката на таканареченото унифицирано боево полнење, предвидено пред сѐ за дислокација во пет европски држави (Белгија, Германија, Италија, Холандија и Турција) со цел да се обнови американското нуклеарно оружје кое таму веќе го има“, ги пренесува РИА „Новости“ зборовите на Уљанов.

Тој додаде и дека, според постојните информации, „одредена количина“ од овие модернизирани бомби ќе се наоѓа и на територијата на САД.

„Меѓутоа, непосредното влијание на ситуацијата во Европа и светот оваа одлука за модернизација на бомбата Б61 нема да ги има ни денес ни утре, затоа што новото атомско оружје ќе почне да се произведува дури во 2020 година. Токму тогаш ќе се почувствуваат негативните последици од ова модернизација“, нагласи Уљанов.

Во врска со тоа можат да се издвојат два аспекти – воен и воено-политички. Пред сѐ, модернизираните бомби ќе бидат попрецизни, но и со помала разорна моќ, додаде дипломатот.

u041du0443u043au043bu0435u0430u0440u043du0430u0442u0430 u0431u0435u0437u0431u0435u0434u043du043eu0441u0442 u0435 u0438u043du0442u0435u0440u043du0430u0446u0438u043eu043du0430u043bu0438u0437u0438u0440u0430u043du0430 u0438 u0437u0430u0458u0430u043au043du0430u0442u0430

Не е случајно тоа што некои американски експерти побрзаа да кажат дека новите бомби се „етички“, затоа што, наводно, нивната примена ќе има помали хуманитарни последици. Но токму тоа е негативното во целата приказна, нагласи Уљанов.

„Карактеристиките на таквото оружје објективно ќе ја разбудат желбата за негова примена. Ги има сите основи да сметаме дека Пентагон ги гледа новите бомби не само како средство за одвраќање, туку и како оружје за примена, за решавање оперативни задачи. Би сакале да знаеме дека не сме во право“, рече Уљанов.

Што се однесува до воено-политичкиот аспект, според мислењето на дипломатот, новиот нуклеарен арсенал во Европа ќе значи и продолжување на праксата на  таканаречените „заеднички нуклеарни мисии“ во НАТО во рамките на кои пилотите на ненуклеарни земји се обучуваат како да го применат американското нуклеарно оружје. „Тие миси се, како што сметаме ние, грубо кршење на Договорот за неширење на нуклеарното оружје“, изјави Уљанов. 

Сите права ги задржува „Росијскаја Газета“.