МНР на РФ: Потребен е меѓусириски дијалог без предуслови

Меѓусирискиот дијалог треба да започне колку што е можно поскоро и без предуслови. Ова се вели во соопштението објавено на сајтот на руското Министерство за надворешни работи по консултациите Русија – САД - ОН.

Во документот се вели дека специјалниот пратеник на генералниот секретар на ОН за Сирија Стафан де Мистура го означил крајот на август како приближен рок за нова рунда преговори. Руската страна забележа дека сириската влада се согласила да учествува во преговарачкиот процес.

u0420u0443u0441u0438u0458u0430 u045cu0435 u0442u0435u0441u0442u0438u0440u0430 u0431u043eu0440u0431u0435u043du0438 u0430u0432u0438u043eu043du0438 u0432u043e u0421u0438u0440u0438u0458u0430

Во руското МНР го подвлекуваат значењето на „инклузивниот карактер на делегацијата на сириската опозиција“: заедно со курдските делегати, во неа треба да бидат вклучени и претставници на организациите кои се опозиција на официјален Дамаск, а кои имаат конструктивни позиции и кои се стремат „кон сеопфатно политичко решавање на сириската криза“.

Во соопштението се вели и дека обидите за условување на почетокот на преговорите „со некакви вештачки предуслови“ се недопустливи. Исто така е неприфатливо на Сиријците да им се нуди некаков надворешен рецепт за решавање на кризата. Од руското МНР подвлекуваат дека единствени самите сириски страни во процесот на преговорите треба „да изработат договор за параметрите на сириската државност“.

Консултациите Русија – САД – ООН се одвиваа на 26 и на 27 јули во Женева, а на нив Русија ја претставуваше заменик-министерот за надворешни работи Генадиј Гатилов.

Сите права ги задржува „Росијскаја Газета“.