Анкара благодарна на Москва за поддршката во текот на обидот за воен пуч

Министерот за надворешни работи на Турција Мевлут Чавушоглу му се заблагодари на претседателот на Русија Владимир Путин и на другите официјални лица за целосната поддршка за време на обидот за воен пуч во Турција.

„Русија ни даде целосна и безусловна поддршка за време на обидот за преврат, за тоа му благодариме на Путин и на сите руски претставници. Најверојатно ќе има средба меѓу двајцата претседатели во август, уште пред Г-20. На таа средба ќе се дискутира за важни теми – симнување на економските бариери и други чекори насочени кон целосна обнова на односите“, изјави Чавушоглу, пренесува „Взгљад“.

Минатата недела дипломати од Анкара соопштија дека Министерството за одбрана на Русија го предупредило претседателот на Турција Реџеп Таип Ердоган за неизбежниот воен пуч во земјата неколку часа пред да почне нападот на побунетите. Притоа Ердоган изјави дека отпрвин не им поверувал на вестите за обидот за преврат, туку дознал за дејствијата на војската од својот зет.

Ноќта на 16 јули во Турција се случи обид за воен пуч. Подоцна командата на турската армија изјави дека сите организатори на пучот се приведени.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња