Москва 14 најудобен град за живот и работа во ИТ-секторот

Истражувачите ги проценуваа градовите врз основа на осум критеритуми, од времето поминато на пат до работа до висината на наемнината за еднособен стан.

Силиконската долина, според воспоставеното мислење, претставува едно од најпривлечните места за живот и работа на вработените во ИТ-индустријата во целиот свет. Меѓутоа, според проценката на аналитичарите на „Експерт Маркет“ таа не е најудобното и најповолоното место за работа на стручњаците.

Како што се покажа, за изнајмување еднособен стан во близина на најголемите ИТ-компании во Сан Франциско, како што се Uber, Twitter и Google, вработените струњаци треба да издвојат од 42 до 54 отсто од месечната заработка. Податоците на американското биро за статистика притоа велат дека удобен живот е можен само ако наемнината за стан не надминува 30%.

u041cu0435u0441u0442u0430 u0437u0430 u0438u0437u0431u0440u0430u043du0438u0442u0435: u041au0430u043au043e u0441u0435 u0436u0438u0432u0435u0435 u0432u043e u0437u0430u0442u0432u043eu0440u0435u043du0438u0442u0435 u0440u0443u0441u043au0438 u0433u0440u0430u0434u043eu0432u0438

Најповолен град за живот во ИТ-секторот според аналитичарите е Берлин. Просечното време потребно за жителите на германскиот главен град за да дојдат на работното место изнесува само 34 минути. Колку за споредба, тоа време во Силиконската долина може да биде и неколку часови.

Интересно е дека Сан Франциско се наоѓа дури на четвртото место, додека на 2 место е Остин, а третото го зазема Торонто. Следуваат Амстердам, Монтреал и Париз и со тоа се затвора листата со првите десет градови. Според оценката на „Експерт Маркет“, Москва се наоѓа на 14 место.

„Светот е полн со луѓе кои не можат да го реализираат својот потенцијал, затоа што градовите во кои живеат не им ги нудат неопходните услови за тоа“, беше еден од  мотивите за истражувањето, пренесува сајтот vc.ru.

Сите права ги задржува „Росијскаја Газета“.