Медиуми: Русија на Крим го обновува радарот за ракетно предупредување

Радарската станица на системот за предупредување за ракетен напад „Днепар“ што се наоѓа кај Севастопол, ќе биде обновена, пишува весникот „Известија“  повикувајќи се на претставник на воено-индустрискиот комплекс.

Според информациите на изданието, објектот може да регистрира лансирање на хиперзвучни, крстосувачки и балистички ракети од водите на Средоземното и Црното море.

u0420u0443u0441u043au0438u0442u0435 u0441u0440u0435u0434u0441u0442u0432u0430 u0437u0430 u0440u0430u0434u0438u043eu0435u043bu0435u043au0442u0440u043eu043du0441u043au0430 u0431u043eu0440u0431u0430 u0433u043e u043au043eu043du0442u0440u043eu043bu0438u0440u0430u0430u0442 u043du0435u0431u043eu0442u043e

Изворот во воено-индустрискиот комплекс објасни дека станицата во Севастопол ќе добие апаратура од сантиметарски дијапазон, што ќе овозможи зголемување на ефикасноста на радарите во Армавир кои работат во дециметарски дијапазон.

Обновата на радарот ќе обезбеди сестрана одбрана на Русија од ракетни напади, истакнува „Известија“. На пример, американската ракета „Томахавк“ лансирана од водите на Средоземното море, може да долета до Москва за 120 минути, што е доволно за пресретнување.

Станицата „Днепар“ не беше во употреба повеќе од десет години. По распадот на СССР објектот ѝ припадна на Украина. Русија еден период го изнајмуваше радарот, но подоцна договорот беше раскинат поради позициите на Киев, пренесува РИА „Новости“.

Сите права ги задржува „Росијскаја Газета“.