Пушков го обвинува Западот за „политички расизам“

Претседателот на Комитетот на Државната дума за меѓународни работи Алексеј Пушков смета дека Западот покажува „политички расизам“ кога се однесува со омаловажување кон државите кои не ги споделуваат „вредностите“ на американскоцентричниот свет.

u0420u0443u0441u0438u0458u0430 u0435 u0432u0442u043eu0440u0430 u0432u043eu0435u043du0430 u0441u0438u043bu0430 u043du0430 u0441u0432u0435u0442u043eu0442 u043fu043e u0421u0410u0414

„Ни велат: па кој е на ваша страна? Ова, знаете, е таков западен политички расизам", изјави Пушков во програмата на телевизијата ТВЦ, пренесува ТАСС. „Па кој ве поддржува? Боливија, Куба.... Не само тие, воопшто не се само тие. Против американскоцентричниот свет истапуваат во принцип поголемиот дел од човештвото. Тоа се и Кина, и Индија, и Бразил, и поголемиот дел од Латинска Америка, и арапскиот свет – погледнете го Египет“, истакна пратеникот.

Според неговото мислење, „американскоцентричниот свет не предвидува таква земја како Русија“. „Затоа што таа е „проблематична“, има нуклеарно оружје, има огромна територија, огромни ресурси, има огромен потенцијал за независност. И тоа не се совпаѓа со американскиот глобален проект.“

Пушков смета дека „ним (на западниот свет предводен од САД) им требаат субјекти на нивниот свет, а не објекти кои се независни од нив во значителна мера“.

„Затоа, кога зборуваме дека треба да се ориме за друг светски поредок, не американскоценитрчен, ами за некој поинаков, каде ќе има баланс на интересите, ние фактички ги обезбедуваме условите за нашето национално постоење и опстанок. Но со тоа привлекуваме на наша страна многу држави кои претходно не играа водечка улога во политиката“, потенцира политичарот.

Сите права ги задржува „Росијскаја Газета“.