САД: Над 70% од руските напади се насочени против терористите во Сирија

21 април 2016

Руска реч на македонски

Портпаролот на силите на САД кои учествуваат во операцијата во Ирак и Сирија, полковник Стив Ворен изјави дека поголемиот број од нападите во Сирија Русија ги нанесува врз терористите, а не врз опозицијата.

Ворен изјави дека на самиот почеток на руската операција в Сирија „80% од нивните напади беа врз опозицијата“, пишува „Взгљад“.

„Од моментот на прекин на борбените дејствија видовме промени. Од една страна, Русите навистина нанесуваат удари врз ИДИЛ. Пред околу една недела, според нашите проценки, реално преку 70% од нивните удари беа насочени против ИДИЛ“, изјави Ворен, истакнувајќи дека ги нема последните податоци.

„Русите удираа врз ИДИЛ и често врз „Ан-Нусра“, додаде полковникот.

Притоа тој изрази загриженост поради „вкупниот пораст на нарушувања на режимот на прекин на огнот“. Според зборовите на Ворен, сириските владини сили често се судираат со „други сили“.

„Така што тоа е поводот за нашата загриженост. Како што знаете, ние неколку пати ги повикувавме Русите да го искористат своето влијание врз сирискиот режим за да го прекинат тоа“, потсети американскиот полковник.

Портпаролот на Стејт департментот на САД Џон Кирби исто така изјави дека „сирискиот режим продолжува да ја атакува опозицијата во реонот на Алепо. И тоа предизвикува загриженост“.

u0411u0438u0442u043au0430u0442u0430 u0437u0430 u0410u043bu0435u043fu043e: u043au0430u043au043eu0432 u0435 u0441u043eu043eu0434u043du043eu0441u043eu0442 u043du0430 u0441u0438u043bu0438u0442u0435?

Сите права ги задржува „Росијскаја Газета“.

конфликт во сирија русија и сад Накратко