Минск кажа чиј е Крим
Минск во врска со признавањето на Крим поаѓа од тоа чиј е полуостровот де факто во моментов, изјави министерот за надворешни работи на Белорусија Владимир Макеј.
„Во политиката треба да се поаѓа од реалиите... Ние треба да поаѓаме од тоа чиј де факто е Крим денеска и да ја градиме нашата политика и да соработуваме со него“, изјави Макеј на прес-конференција, одговарајќи на прашањето како се одвиваат односите денеска меѓу Белорусија и Крим, пишува „Взгљад“.
Претходно белорускиот лидер Александар Лукашенко изјави дека во ситуацијата со присоединувањето на Крим кон Русија, за кој самиот тој е запознаен „подлабоко“, Украина „самата е виновна“.
Според зборовите на Лукашенко, Украина „пламна“ не само поради внатрешни причини, зад таа „тепачка стојат силните на овој свет“.
Сите права ги задржува „Росијскаја Газета“.
Повеќе возбудливи стории и видеа на
Фејсбук страницата на Russia Beyond-Македонија