МО РФ објасни како работат руските специјални сили во Сирија

На територијата на Сирија дејствуваат единици на руските сили за специјални операции кои извидуваат објекти за нападите на руската авијација и ги насочуваат авионите врз целите во оддалечените подрачја, изјави командантот на руските сили во Сирија генерал-полковник Александар Дворников во интервју за весникот „Росијскаја газета“.

„Нема да кријам дека на територијата на Сирија дејствуваат и единици на нашите сили за специјални операции. Тие вршат извидување на објекти за нападите на руската авијација, се занимаваат со насочување на авионите врз целите во оддалечените подрачја и извршуваат други тешки задачи“, вели Дворников.  

Тој исто така нагласи дека во Сирија дејствуваат и соодветни единици на Вооружените сили на САД и други земји на западната коалиција.

Помош на сириските власти им обезбедуваа и руските воени советници. „Овие офицери им даваат помош на сириските колеги во планирањето и водењето борбени дејствија против терористите, како и на совладувањето на руската воена техника“.

Системот на воени советници, како што тој претходно објасни, со својот раководен апарат е создаден во Вооружените сили на Сирија во најкраток рок. Тие ги обучуваа владините сили, курдските и другите патриотски формации и активно учествуваа во подготовката на борбените дејствија, рече Дворников за нашето матично издание „Росијскаја газета“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња