Стејт департментот разгледува нови санкции против Русија поради Крим

15 март 2016

Руска реч на македонски

Важечките санкции на САД и ЕУ во целост исклучуваат американски инвестиции во Крим, меѓутоа Вашингтон има намера да разгледа нови варијанти на рестриктивни мерки,изјави помошникот-државен секретар на САД Викторија Нуланд.

Стејт департментот на САД ќе разгледува уште какви санкции може да се воведат против Русија поради „анексијата на Крим“, изјави помошникот-државен секретар на САД Викторија Нуланд.

„Ќе продолжиме да разгледуваме што уште можеме да направиме“, рече Нуланд на сослушувањата во Сенатот, одговарајќи на прашањето какви санкции може да предложи Стејт департментот во врска со ситуацијата на Крим која не се менува последниве две години.

Таа потсети дека важечките санкции на САД и ЕУ во целост исклучуваат инвестиции во тој регион, пренесува РИА „Новости“.

Сите права ги задржува „Росијскаја Газета“.

русија и сад Накратко