Путин и Ренци дискутираа за Иран и Саудиска Арабија

Претседателот на Русија и премиерот на Италија имаа телефонски разговор во кој ја истакнаа важноста на тесната координација на напорите за борба со меѓународниот тероризам во светлината на последните настани.

Претседателот на Русија Владимир Путин разговараше телефонски со премиерот на Италија Матео Ренци во врска со односите меѓу Иран и Саудиска Арабија во светлината на последните настани, соопшти во петокот прес-службата на Кремљ.  

„При размената на мислења за актуелните теми од меѓународната агенда, основното внимание беше посветено на перспективите за регулирање на конфликтот во Сирија, како и на настанатата ситуација во односите меѓу Иран и Саудиска Арабија.

Во тој контекст е истакната важноста на тесната координација на напорите за борба со меѓународниот тероризам“, се вели во соопштението што го пренесува РИА „Новости“.  



 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња