Русија почнува активно да извезува свинско месо

04 јануари 2016

Руска реч на македонски

Обемот на производство на свинско месо во Русија порасна до таа мера што сега Москва го извезува во странство. Ова се случува само три години откако РФ самата беше еден од најголемите увозници на вакво месо.

Според податоците на Министерството за земјоделство на САД, во Русија домашното производство пораснало за 26%, што овозможило да се намали увозот за речиси 80%. Ваквиот пробив доведе до пад на цените на свинското месо во земји почнувајќи од САД, па сѐ до Германија, соопштува „Блумберг“.

Причина за ваквиот подем експертите гледаат во силната поддршка за земјоделството од страна на руските власти, особено по воведувањето на ембаргото за испорака на некои продукти од САД и земјите на ЕУ.

Според прогнозите на Министерството за земјоделство на САД, во 2016 година растот на производството на свинско месо во РФ ќе изнесува 5,7%, пренесува „РТ“.

Сите права ги задржува „Росијскаја Газета“.

економија русија и запад Накратко