Руски научник предлага колонизација на Месечината со аватари

Механичкиот робот-аватар ќе се управува преку егзоскелет со повратна кинематичка врска и кој во целост го имитира човечкото тело.

Началникот на одделот за програми со човечки екипаж на институтот на „Роскосмос“ ФГУП ЦНИИМАШ Олег Саприкин смета дека за работа на површината на Месечината може да се користат роботи-аватари кои ќе бидат управувани од човек од Земјата или од вселената, пренесува РИА „Новости“.

Според концептот, механичкиот робот-аватар се управува преку егзоскелет со повратна кинематичка врска и кој во целост го имитира човечкото тело. Облечен во егзоскелет, човекот „фактички како да се претопува во телото на тој аватар“, објасни Саприкин во текот на прес-конференцијата посветена на вселенска експедиција на Марс.

„Користејќи таков робот е можно, дури би рекол и не виртуелно, ами практични реално, да се патува во Сончевиот систем. Пред сѐ, на Месечината е интересно да се искористи, затоа што... Што е тоа управување со тој робот на Месечината? Фактички при таквите задршки кои сега ги има на Месечината – тоа е околу 4 секунди – може да се искористи режимот на копирање. Во режим на реално време човек ќе работи со тој робот“, истакна научникот.

Претходно началникот на Центарот за подготовка на космонаути „Гагарин“ Јуриј Лончаков соопшти дека наскоро се планира испраќање на робот-андроид на Меѓународната вселенска станица. 

Сите права ги задржува „Росијскаја Газета“.