МНР Турција препорачува да не се патува во Русија

МНР Турција им препорача на своите граѓани да се воздржат од патувања во Русија што не се итни до разрешување на кризата во руско-турските односи, соопштува РИА „Новости“.

„Во врска со ситуацијата во односите меѓу Русија и Турција од 24 ноември кај нашите граѓани кои патуваат во РФ или живеат таму, се забележуваат извесни проблеми. До разрешување на оваа ситуација корисно е нашите граѓани да ги одложат своите патувања во Русија кои не се поради итни причини“, се вели во соопштението на турскиот дипломатски ресор.

Односите меѓу двете земји се во криза откако во вторникот, 24 ноември, турски авиони-ловци F-16 соборија руски Су-24 во Сирија.

Сите права ги задржува „Росијскаја Газета“.