Путин: Целта на САД во Сирија е смена на Асад, на Русија - борба против тероризмот

 Целта на САД во Сирија е претседателот Башар Асад да замине од власта, додека на Русија целта е борба против тероризмот и помош за Дамаск во овие напори, изјави рускиот лидер Владимир Путин на состанокот на групата „Валдај“ во Сочи, пренесува „Взгљад”.

„Целта на САД е да се ослободат од Асад. Веројатно е така. Наша цел е да го победиме тероризмот, да му помогнеме на претседателот Асад да го порази тероризмот и со тоа да створиме услови за почеток, и се надева, успешно спроведување и крај на политичкиот процес. Верувам дека тоа е единствениот правилен начин“, рече Путин.

Според неговите зборови, руските војници во Сирија ги штитат интересите и на сирискиот, и на рускиот народ, додавајќи дека се следи правилото „ако постои закана, неопходно е да се дејствува прв“.

„Уште пред 50 години ленинградските улици ме научија на правилото: ако постои закана – неопходно е да се биде прв“, истакна рускиот претседател, додавајќи дека „терористите, во суштина, ја мразат Русија“. 

Сите права ги задржува „Росијскаја Газета“.