Порошенко со закана за нови санкции ако Русија ги признае изборите во Донбас

Претседателот на Украина Петро Порошенко се закани со проширување на антируските санкции во случај Москва да ги признае изборите во самопрогласените ДНР и ЛНР, соопштува ТАСС.

„Ако РФ ги прифати (претстојните локални избори во ДНР и ЛНР), тогаш тоа е грубо прекршување на „Минск“ (Минската спогодба)“, изјави Порошенко. Притоа тој се закани дека за Русија „тоа може да заврши со проширување на санкциите и со други последици“.  

Претседателот на Украина ги нарече претстојните избори ДНР и ЛНР „лажни“ и вети дека „ќе направиме сѐ за да не дозволиме повторување на тој процес“.

Сите права ги задржува „Росијскаја Газета“.