Денес се навршија 50 години откако човекот првпат излезе на отворено во вселената

На денешен ден пред 50 години, на 18 март 1965 година, советскиот космонаут Алексеј Леонов првпат во историјата на човештвото излезе во отвореното вселенско пространство.

На денешен ден пред 50 години, на 18 март 1965 година, советскиот космонаут Алексеј Леонов првпат во историјата на човештвото излезе во отвореното вселенско пространство. 

Тој помина 12 минути и 9 секунди надвор од орбиталниот вселенски брод „Восход-2“. Притоа Леонов едвај ја избегнал смртта, затоа што безвоздушниот простор скафандерот „Беркут“ се надувал и го спречувал да се врати на бродот. За да си го спаси животот, космонаутот  морал да ги прекрши инструкциите од тоа време. Леонов го спуштил притисокот во скафандерот на минимум и во леталото влегол со главата, а не со нозете, како што било предвидено.

Леонов, кој минатата година наполни 80 години, се сеќава дека во вселената најголем впечаток му оставила тишината. „Сосем јасно слушнав како ми бие срцето. И дишењето си го слушнав. Тоа дури и ми пречеше да мислам“.

Дишењето на Леонов е снимено и подоцна таа снимка е искористена во научнофантастичиот филм на Стенли Кјубрик „Вселенска Одисеја 2001“. 

Сите права ги задржува „Росијскаја Газета“.