Секој петти Русин штеди на храна

Секој петти Русин признава дека последниов месец морал да купува поевтини производи или целосно да се откаже од купување на некоја стока, изјавија за „Интерфакс“ од Рускиот центар за испитување на јавното мислење (ВЦИОМ).

Секој петти Русин признава дека последниов месец морал да купува поевтини производи (20%) или целосно да се откаже од купување на некоја стока (23%), изјавија за „Интерфакс“ од Рускиот центар за испитување на јавното мислење (ВЦИОМ).

Некои почнале да го прават тоа уште пред половина година (16% - да купуваат евтина стока, 18% - се откажале од купување низа стоки) или уште порано (22% и 21% соодветно). Мнозинството испитаници сѐ уште не преминало на слични „антикризни“ мерки. Ова се податоците од анкетата спроведена на 31 јануари и 1 февруари на 1600 лица во 132 населени места во 46 региони на РФ.

Најраширено во моментов е купувањето производи за складирање (39%) и одгледувањето сопствено овошје и зеленчук (33%). Околу третина бараат подобро платена работа или дополнителна работа (33%), ја трошат заштедата за секојдневни трошоци (30%). Четвртина испитаници зема пари на заем од познаници (24%), петтина зема кредит од банка (22%). Само 13% штедат во девизи и 11% продаваат вреден имот или дури и лични предмети.

Според проценките на испитаниците, за половина година цените на стоките и услугите пораснале значително. Пред сѐ, зборуваат за поскапувањето на овошјето и зеленчукот (91%), шеќерот (90%) и месото (89%).

Огромно мнозинство испитаници исто така забележува промена на цените на тестенините, житарките и млечните производи (по 87%), а 85% се жалат дека денес мораат повеќе да даваат за леб (41% зборуваат за голем скок на цените, а 44% - за не многу голем пораст).

За порастот на цената на комуналните услуги зборуваат 75% испитаници (45% од нив забележуваат значително покачување), притоа за половина година ситуацијата практично не се променила (во септември 2014 година така сметаа 77%). Иста е и ситуацијата со бензинот: како и есента минатата година, така и сега неговото поскапување го забележала повеќе од половина испитаници (60% и 61%).

Според зборовите на 60% испитаници, поскапеле и цените на билетите за јавниот превоз, меѓутоа 24% не забележале поскапување на претплатни билети.

Како што покажуваат податоците од анкетата, три четвртини од Русите (76%) самостојно купуваат и водат домаќинство: 38% во целост ги преземаат тие обврски на себе, а 38% ги споделуваат со други членови на семејството. Не се мачат со тави проблеми 23%.

Сите права ги задржува „Росијскаја Газета“.