Западни медиуми: експертите предупредија за постоење хакерска програма против Русија

Извор од западните специјални служби подвлече дека е рано за да се носат заклучоци за потеклото или целта на Regin.

Експертите од компанијата Symantec предупредија дека постои хакерска програма со име Regin, која е насочена првостепено против телекомуникациските компании на Русија и Саудиска Арабија, пишува The Financial Times. Според информацијата на специјалистите, во листата на „жртви“ влегуваат и фирми од Мексико, Ирска и Иран.

Весникот додава дека овој софтвер потсетува на вирусот Stuxnet, кој ги натера повеќе нуклеарни објекти во Иран да ги исклучат своите капацитети, а кој беше создаден од американските и израелските специјалисти. Во Symantec сметаат дека Regin е создаден од некоја западна служба, додавајќи дека Regin веќе има пристап до серверите за размена на пораки во Microsoft и мобилните телефони во големите меѓународни мрежи.

Орла Кокс од Symantec го нарече Regin еден од „најдобрите примери на хакерски софтвер“, и не исклучи дека создавањето на овој вирус им одзело на создавачите месеци, а можеби и години.

Извор од западните специјални служби подвлече дека е рано за да се носат заклучоци за потеклото или целта на Regin. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија