Русија и Индија ќе започнат заедничко производство на авионот Sukhoi Superjet 100

Индија изрази заинтересираност и за авионот МС-21.

Русија и Индија разговараа за започнување заедничко производство на авионот Sukhoi Superjet 100. Ова за руските новинари го изјави вицепремиерот на владата на Русија, Дмитриј Рогозин после заседанието на руско-индиската меѓувладина комисија за трговско-економска, научно-техничка и културна соработка.

„Станува збор за локализација на производството на SSJ-100 во Индија“, подвлече тој. Авионот може да се произведува овде, како за потребите на индискиот пазар, така и заради заеднички настап на пазарите на трети држави“.

Според неговите зборови, „Индија исто така изрази заинтересираност за авионот MC-21“, кој “во целост одговара на потребите на индискиот пазар“, како по бројот на патнички места (180), така и по радиусот на лет (до 5.000 километри).

Рогозин забележа дека „првиот лет на МС-21 треба да се случи во 2016 година, а почетокот на сериското производство - во 2017 година“.

Според зборовите на Рогозин, Русија и Индија можат да започнат заедничко производство на модулите за прием на сигнали од сателитскиот систем ГЛОНАСС. 

Сите права ги задржува „Росијскаја Газета“.