Русија планира да создаде хидрометеоролошки систем за набљудување на Арктикот

Русија планира создавање хидрометеоролошки систем за набљудување на Арктикот, се кажува во пораката, објавена на официјалната интернет-страница на Роскосмос, пренесува ИТАР-ТАСС.

„Русија планира лансирање на проект за создавање хидрометеоролошки систем ‘Арктика-М’. Два сателита ќе бидат лансирани на високоелиптична орбита околу Земјата, а нивна задача ќе биде да го набљудуваат Арктикот“, додава космичката агенција.

Сателитите „Арктика-М“ ќе му помогнат на Хидрометеоролошкиот завод да добие поточни податоци за прогноза на времето, а исто така, сателитите ќе помогнат за подобра еколошка контрола на природната средина. Освен тоа, системот ќе може да ги прогнозира условите за летовите на авијацијата, состојбата на атмосферата и магнетското поле на Земјата. 

Сите права ги задржува „Росијскаја Газета“.