После воведувањето санкции против Русија од страна на Европската унија, забележано е намалување на побарувачката за патувања во некои од европските држави, пренесува „Росијскаја газета“, повикувајќи се на заменикот министер за култура, Ала Манилова.
„Санкциите доведоа до пад на патувањето на руските граѓани во Европа. Колку имено, засега не можеме да кажеме. Според нас, сметаме дека падот изнесува од 15 до 30% за различни држави. Секако, ова не се однесува на државите каде стандардно Русите заминуваат да летуваат (Турција и Грција). Дури може да се смета дека бројот на туристи во тие земји ќе се зголеми поради падот на патувањата во други“, изјави Манилова.
Сите права ги задржува „Росијскаја Газета“.