Според зборовите на заменикот претседател на владата на Русија, тоа што ракетно-космичката индустрија го работи во тешки услови може да биде од корист. Ова го образложи со зборовите: „не смее во 21 век, во услови кога геополитиката станува сѐ посурова, да се живее опуштено“, изјави за новинарите Дмитриј Рогозин.
„Сега ракетно-космичката индустрија, како и другите високотехнолошки области во Русија, работи во услови на санкции“, изјави Рогозин за време на посетата на ракетно-космичкиот центар „Хруничев“ во Москва, каде што се создава новата ракета „Ангара“.
Според неговите зборови, ракетно-космичката индустрија е принудена да работи во отежнати услови, но и тоа може да биде од корист.
Говорејќи за влијанието на санкциите, тој изјави дека, пред сѐ, тие влијаат на зависноста на гранките од увозната радијациско-отпорна електронска технологија. „Прекинот на испораките на делови од Украина и другите земји влијаат врз создавање на сопствена, руска технологија. Тоа е т.н. план за замена на увозот, кој наскоро ќе му биде прикажан на претседателот. Врз него работи Роскосмос“, изјави Рогозин.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче