Федералната служба за безбедност потврди дека Доку Умаров е неутрализиран

Федералната служба за безбедност на Русија ја неутрализираше дејноста на Доку Умаров, водач на терористичката организација „Имарат Кавказ“, и ги уапси лицата кои се вмешани во терористичките напади во Волгоград и Пјатигорск, соопшти во вторникот директорот на ФСБ, Александар Бортников.

„Во оперативната акција неутрализирана е дејноста на Умаров, водач на терористичката организација 'Имарат Кавказ'“, изјави Бортников за време на седницата на Националниот антитерористички комитет.

Претходно претседателот на Чеченија, Рамзан Кадиров, објави дека Умаров е ликвидиран.

Освен тоа, според зборовите на Бортников, во првиот квартал во 2014 извршени се 33 антитерористички операции.

„Меѓу поважните успеси е и ликвидацијата на 36 водачи и 65 активни членови на банди“, изјави директорот на ФСБ. 

Сите права ги задржува „Росијскаја Газета“.