Руската армија ќе биде опремена со нанооклоп

Новата технологија за изработка на оклоп ќе започне да се произведува во 2015 година.

Лесните керамички плочки, создадени од нанопрашок од карбид на бор, во перспектива планирано е да се користат за создавање на заштитни елеци, заштита за техниката и други воени објекти. Новата технологија ја создава „Новосибирската електровакуумска фабрика ’Сојуз’“. Со неа ќе се овозможи намалување на тежината на оклопот, но во исто време и зголемување на ефективноста на заштитата.

„Оваа ефективност ги надминува сите современи нивоа на заштита за 5-6 пати, а цената за производство ќе виде за 15 до 25% пониска“, изјавија за „Известија“ претставници од претпријатието.

„Тоа е доста перспективен материјал и неговото создавање ќе биде од корист не само за Војската на Русија, туку и за полицијата и другите органи кои можат да ја искористат“, појасни Алексеј Филатов, експерт од антитерористичката група „Алфа“.

Практичното распространување на материјалите кои ќе го користат овој вид заштита е планирано за четвртиот квартал од 2015 година. 

Сите права ги задржува „Росијскаја Газета“.