Русија може за прв пат да увезе житарици за интервентниот фонд

Ако владата на Русија се погрижила за пополнувањето на интервентниот фонд уште летово, увозот немало да биде потребен.

Министерството за земјоделство на Русија го смета за возможен увозот на житарици за државните резерви, соопшти за „Росијскаја газета“ министерот за земјоделство, Николај Фјодоров.

Интервентниот прехранбен фонд е создаден во 2001 година, и во овие 12 години постоење ниту еднаш не се пополнувал од увозни продукти, изјави генералниот директор на ИКАР, Дмитриј Рилко. Фондот е создаден како мерка за поддршка на руските произведувачи: во период на намалување на цените, државата купувала житарици за да ја одржи цената, а кога цените се зголемувале - житариците од фондот се продаваат за да се намали цената.

Во последниве 2-3 сезони во Русија се случија доста временски непогоди, што придонесе бербата драстично да се намали. Летото во 2010 се случи невидена суша, и за целата сезона биле собрани само 61 милион тон житарици, наспроти 97-те милиони во 2009-та година. Последнава сезона (1 јули 2012 - 30 јуни 2013) е средна според количините - 71 милион тон. 

Сите права ги задржува „Росијскаја Газета“.