Татко на пајчиња: Cибирец пронајде напуштено гнездо со јајца, направи инкубатор и изведе пилиња

Антон Форкин/Центр реабилитации диких животных (ЦРХП НСО)
Во едноставниот, набрзина направен инкубатор, за недела дена се изведоа седум пајчиња.

Во приградска населба во близина на рускиот град Новосибирск градежниците кои го расчистуваа теренот пронајдоа гнездо на патка која изгледа поради вревата се скрила и повеќе не се вратила. Еден од работниците со меко срце реши да ги земе јајцата и да ги изведе пилињата.

Сибирецот направи многу едноставен инкубатор и цела недела ги одржуваше во него температурата и влажноста, очекувајќи ги малечките. На 26 јули тие почнаа да излегуваат од јајцата, а веќе утредента се појавија сите седум пилиња, соопшти Новосибирскиот центар за рехабилитација на птици-грабливки.  

Тие во овој момент се наоѓаат во специјална кутија за негување на птици каде што зајакнуваат по изведувањето.

Интересно е што постарите пилиња, оние кои порано се изведоа, им помагаа на помладите и ги чистеа и им го сушеа перјето од плодовата вода. Кога пилињата ќе почнат самостојно да се хранат и сигурно да стојат, ќе бидат однесени кај мајка-хранителка, велат волонтерите.

По извесно време пилињата ќе бидат вратени назад во природа.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња