Пет причини Светското првенство во Русија да биде запаметено како едно од најдобрите досега

Артјом Ѕјуба

Артјом Ѕјуба

Getty Images
Верувајте, главната причина не е тоа што рускиот тим првпат во историјата се пласираше во четвртфиналето на Мундијалот.

Неочекувани резултати и драматични натпревари

Целосниот дебакл на репрезентацијата на Германија и нејзиниот неуспех да ја помине групната фаза го шокираа целиот свет. Актуелните светски шампиони успеаја да постигнат само два гола во текот на својот блед настап на руска почва.

На последните 16 шампионати само двапати се случи светскиот шампион да испадне од конкуренција на најдобрите 16 екипи: Бразил испадна 1966 година, кога ѕвездата на тимот Пеле беше повреден, а на Италија тоа ѝ се случи 1950 година.

И други земји оваа година постигна некои неочекувани резултати. Аргентина на првите два натпревара освои само еден од. Поразот на оваа репрезентација од Хрватска со резултат од 3:0 ќе се памети долго. Полска, од која се очекуваше заедно со Колумбија да ја помине групната фаза, по само два натпревара изгуби секаква надеж за понатамошен пласман. Светот не можеше да верува дека Бразил ќе се мачи да ја совлада Костарика. Шпанија имаше тешкотии против Мароко, а Португалија несигурно одигра против Иран. 

Сето тоа звучи неверојатно, судејќи според процените на обложувалниците пред почетокот на Светскиот шампионат.

Во групната фаза само еден натпревар заврши без голови

Првпат од 1954 година на првите 20 мечеви од Светското првенство не е забележан резултат 0:0.

Од 48 натпревари на групната фаза на натпреварувањето само еден заврши без голови, што значи дека на шампионатот паднаа многу голови, од кои многу беа спектакуларни.

А можеме да очекуваме уште повеќе.   

Повеќе дополнително време = подраматични натпревари

На овој турнир имаше повеќе продолженија од обично и со самото тоа повеќе возбудувања, со 13 голови дадени во дополнителното време. Седум од нив доведоа или до израмнување или до победа, а навивачите до последните секунди седеа како на игли. Такви натпревари вреди да се гледаат!

Што се однесува до мечевите Шпанија-Мароко и Португалија-Иран, головите дадени во последните минути одредија кои тимови одат понатаму.

VAR технологијата дава дополнителна димензија (и поправедно судење)

VAR технологијата беше користена првпат на Светското првенство и покрај тоа што малку ја забавува играта, таа дава дополнителна возбуда. Судијата сега може да ги провери важните одлуки гледајќи забавена снимка од неколку агли за да биде сигурен дека правдата е задоволена.

Освен тоа, првиот пенал на овој шампионат беше досуден откако судијата користеше VAR на натпреварот Франција-Австралија.

Русија пишува историја

Првпат во современата историја на Руската Федерација националната селекција пројде во четвртфиналето на натпреварувањето по историската победа над Шпанија.

Русија ги изненади сите оние кои се сомневаа во неа и кои пред шампионатот ја отпишуваа како инфериорен тим.

Прочитајте повеќе: Русија пишува историја: „Сборнаја“ во четвртфиналето на Мундијалот

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња