Аршавин смета дека од сите репрезентации кои се изборија за четвртфиналето, Русија има најмали шанси.
„Но, сѐ е можно. Ако Русија можеше да ја победи Шпанија, можеби ќе може и другите тимови. Мислам дека Хрватска е многу силен и сериозен противник и на руската репрезентација ќе ѝ биде тешко како и во натпреварот со Шпанците“, вели овој руски фудбалер.
Тој исто така ги оцени и руските фудбалери и особено ја нагласи улогата на голманот.
„Нема да ви откријам тајна ако кажам дека Акинфеев е најдобриот руски голман последниве 20 години. Фудбалерите се дисциплинирани, физички подготвени, а тука е и неверојатната поддршка од навивачите. Сето тоа овозможи Русија да дојде д четвртфиналето“, вели Аршавин. И додава дека би сакал светски шампиони да станат Русите или Бразилците.