Инфантино: Мундијалот 2018 го менува односот на Западот спрема Русија

Kremlin Pool/Global Look Press

Претседателот на Меѓународната фудбалска федерација Џани Инфантино оцени на форумот „Спортот и иднината“ во Москва дека актуелното Светско првенство во фудбал ја менува перцепцијата на Русија во светот, а особено на Запад.

„Светскиот шампионат засега се одвива феноменално. Турнирот покажа дека Русија е исклучително гостопримлива земја. Светското првенство ја менува перцепцијата за Русија во светот, особено на Западот. Секој кој сака може да дојде во Москва или некој друг град и да ужива во фудбалската атмосфера”, рече Инфантино. Тој додаде дека празникот на фудбалот во Русија станал празник на целиот свет.

Претседателот на ФИФА претходно изјави дека целиот свет ги следи натпреварите на Мундијалот во Русија и му се восхитува на величествениот празник на фудбалот.  

Групната фаза на Светското првенство во фудбал 2018 заврши вчера, а по денешната пауза, утре продолжуваат натпреварите од осминафиналето. Руската репрезентација игра на 1 јули против сериозен ривал, селекцијата на Шпанија, на стадионот „Лужники“ во Москва.

Погледнете: Путин и Инфантино шутираа на гол на Црвениот плоштад

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња