Германската репрезентација пред заминувањето ѝ благодари на Русија за гостопримството на СП-2018

Германски навивачи по натпреварот

Германски навивачи по натпреварот

Reuters

Актуелниот првак на светот, репрезентацијата на Германија која по поразот од Јужна Кореја на Мундијалот во Русија се враќа дома, импресионирана е од топлиот прием на домаќинот на Светското првенство во фудбал.

„Благодариме на Русија за гостопримството“, порача репрезентацијата на Германија на својот профил на „Твитер“.

Фудбалската репрезентација на Германија покрај тоа им честиташе на сите ривали во својата група, селекциите на Шведска и Мексико кои се пласираа во осминафиналето, но и на националниот тим на Јужна Кореја, од кого загуби.

На натпреварот од третото коло на групната фаза кој вчера се играше во Казањ, Германците изгубија од Јужна Кореја со резултат 0:2 и така со освоени три бода и заземеното четврто место во групата беа елиминирани од турнирот. Ова е првпат Германија, која во Русија допатува како актуелен и истовремено четирикратен светски шампион, да не ја помине групната фаза.

Во првото коло на СП-2018 во мечот на московскиот стадион „Лужники“ репрезентација на Германија загуби од селекцијата на Мексико (0:1), а во второто коло ја победи Шведска во дополнувањето со резултат 2:1. Во текот на Мундијалот германските фудбалери беа стационирани во подмосковскиот комплекс Ватутинки, инаку база на московскиот фудбалски клуб ЦСКА.

Прочитајте повеќе: Руски медиуми: Лев треба да си замине

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња