Македонско-руската стопанска комора и АППТРМ ги разгледаа можностите за туристичка соработка

Shutter Stock

На денешниот иницијален состанок директорот на Агенцијата за промоција и поддршка на туризмот Љупчо Јаневски и извршниот директор на Македонско-руската стопанска комора Дејан Бешлиев разговараа за потребата од интензивирање на меѓусебната соработка преку организирање на информативни патувања низ Македонија за новинари и тур-оператори од Русија, со цел подобро запознавање на државата и промоција на рускиот туристчки пазар.

Разговарано е и за заедничка работа на популаризација на македонската кујна, историја и верски туризам на рускиот пазар за подигање на свеста кај руските граѓани за културното и историско богатство на Македонија.

Активностите би требало да започнат од следната година со посета на Македонија на руски кулинарски шоуа, а ќе продолжат со јазична поддршка овозможена од комората за издавање на промотивни материјали на руски јазик, како и при целокупното претставување на македонскиот туристички потенцијал во Руската Федерација, се вели на „Фејсбук“ страницата на Агенцијата за промоција и поддршка на туризмот.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња