Шамански фестивал од Тува

Фестивалот се одржа за првпат, и тоа без никаква поддршка од спонзори. Извор: Press Photo

Фестивалот се одржа за првпат, и тоа без никаква поддршка од спонзори. Извор: Press Photo

Најмоќните шамани од Шведска, Гренланд, Мексико, Киргистан, Монголија, Јужна Кореа и од Казахстан пристигнаа во Република Тува во јужен Сибир на новиот меѓународен фестивал посветен на шаманската култура. Освен учесниците од странство, фестивалот, кој го носи називот „Повик на 13 шамани“, ги привлече и шаманите од четири руски региони – Алтај, Хакасија, Тува и од Јакутија, кои исто така учествуваа на овој настан.
Хакасија – земја на птици, степи и шамани
Доколку сте љубители на недопрената природа, ви претставуваме еден мошне интересен резерват во Русија, каде навистина за секого постои по нешто интересно.

Тапани, ритуали, медитација, мистерии и грлено пеење се дел од програмата. Организаторите, исто така, ветија и одржување на интересни семинари и мастер-класови на теми поврзани со духовната практика на шаманите и на вражањето. Сите заинтересирани можеа да го научат „орелскиот танец“, кој е дел од духовната здравствена програма. Целта на фестивалот е оживување на шаманските традиции.

Идејниот татко и главен организатор на фестивалот е учителот по грлено пеење (хумеј) Николај Оорзахак, наследник на тувискиот шаман од кланот Црно небо. Фестивалот се одржа за првпат, и тоа без никаква поддршка од спонзори. 

Сепак, организаторите успеаја во пронаоѓањето на посебно место за одржување на овој настан и тоа во туристичката база Шик-Бажи во округот Џун-Хемчикски. 

Почесниот гостин на фестивалот, мексиканскиот шаман Дон Роџелио Кариљо, рече дека сличноста на неговиот народ и на Туванците го привлекла да се реши на едно вакво далечно патување. 

„Практикуваме мошне стара шаманска традиција. Колку е стара таа? Па, сигурно околу 2.000 години. Немаме пишани докази, но знам дека со неа се имаат служено и моите предци“, вело Дон Роџелио.

Сите права ги задржува „Росијскаја Газета“.

Овој веб-сајт користи колачиња. Кликнете овде за да дознаете повеќе.

Прифати колачиња