Свеж пристап кон рибата

Руска рибина чорба - уха. Извор: Lori / Legion Media.

Руска рибина чорба - уха. Извор: Lori / Legion Media.

Риболовот е популарен низ целиот свет, но во Русија љубовта кон него граничи со опсесија. Отидете на кое и да е замрзнато езеро во близина на Москва во обичен зимски ден и ќе видите луѓе кои седат околу дупките во мразот. Ветрот е продорен, температурата е под 20 степени, но тие трпеливо чекаат да видат дали ќе потегне рибата.

Налето риболовната сезона е во полн ек и милиони Руси одат на ритуално поклонување на своите омилени места за риболов. Растојанието може да е само неколку километри од дома, но може и да е на другиот крај на земјата.

Резултат од сето тоа може да е десетина незадоволни домаќинки, но може и да е подготовка на неколку неверојатни рибини супи, од кои ухата сигурно е најпознатата и можеби највкусна . 

Навистина, ухата најчесто се приготвува на камперски оган крај брегот на реката, каде рибата е штотуку фатена. Сепак, ако најблискиот допир со реката е минувањето со автомобил покрај неа на пат кон работа, не грижете се, супата е исто толку добра кога е приготвена во кујната, независно од тоа што раскажуваат рибарите. Убавината на оваа супа, всушност, е едноставниот и лесен начин на подготвување - таа е јадење кое оди со сè и со кое може да се експериментира. Сакате да се стави повеќе компири или помалку кромид? Немате никаков проблем. Мислите дека кечигата е подобра од лососот? Само смело напред. Порано или подоцна ќе дојдете до рецептот, кој е совршен за вашиот вкус. Ви нудиме еден рецепт, наречен тројна уха, бидејќи во неа се користат три вида риба .

РЕЦЕПТ 

Потребни производи

6 чаши вода 

900 грама корушка и гргеч или два вида од која и да е мала слатководна риба; цели, добро исчистени 

450 грама лосос филе без кожата 

1 голем морков, излупен и исечен на ленти 

1 страк керевиз, заедно со лисјата 

50 грама вотка 

1 кромид 

3 свежи компири 

1 / 3 кафена шолја бибер во зрна 

2 излупени моркова 

1 излупен пашканат 

1 врзоп зачини (магдонос, мајчина душица, дафинов лист , врзани со канап) 

5 лажички сечкан праз 

1 дафинов лист 

Сол и бибер по вкус 

Начин на приготвување 

Во големо тенџере ставете вода, малите риби, исечениот морков, пашканат, праз, кромидот и врзопот со зачини ставете ги да зовријат. Собирајте ја пената секогаш кога ќе дојде работ од садот. 

Тајната на бородинскиот леб
Потеклото на бородинскиот леб е вистинска загатка. Дури и името на оној што прв го испекол овој леб е обвиено со тајна. За тоа постојат три легенди. Според првата, рецептот ѝ се припишува на неутешната вдовица од благородничко семејство, која по погинувањето на мажот во битката против Наполеон се повлекла во манастир. Втор кандидат е прочуениот професор по хемија, познат и како композитор, а според третата верзија лебот го испекле двајца латвиски пекари од советско време.

Намалете ја температурата, поклопете и оставете да врие 35 минути. 

Прецедете ја супа преку ситна цедалка во нов сад. Фрлете ги цврстите остатоци. 

Вратете ја супа на шпоретот и додадете ги компирот и морковот. Оставете ја супата да зоврие, намалете ја температурата и оставете да врие околу 25 минути или додека се свари зеленчукот. 

Прецедете ја уште еднаш супата во чист сад, па фрлете ги сите мали парчиња. Измијте ги компирите и морковите и оставете го настрана. 

Додадете го филето од лосос и варете на ниска температура, сè додека се свари (околу 5 минути). Овој рецепт вклучува лосос, но вие може да користите која и да е слатководна риба (есетра, пастрмка, треска или крап) . 

Пробајте и додајте зачини . 

Додајте дафинов лист и црн пипер во зрна. 

Додајте вотката неколку минути пред да ја исклучите ринглата. 

Исечете ги компирите на резанки, а морковите на коцки. Сипете ја супа во чинии, па додајте неколку компири и исечени моркови во секоја од нив. 

Посипете со праз и сервирајте.

Сите права ги задржува „Росијскаја Газета“.