Во Русија ќе се зголемат пензиите на децата-инвалиди и помошта за оние кои посвоиле деца

Се зголемува грижата за сирачињата во Русија.

Пензиите на децата-инвалиди, еднократните исплати на семејствата кои посвоиле сирачиња, а исто така и компензационите исплати на семејствата со деца-инвалиди ќе бидат зголемени. Задачата за создавање на соодветни предлог-закони е објавена во понеделник на интернет-страницата на кабинетот на министри.

Овој проект треба да се реализира до 1 февруари оваа година.

Министерството за здравство, Министерството за наука и Министерството за труд и социјална заштита на Русија - имаат задача да обезбедат и подобрување на медицинската помош за сирачињата, како и да се грижат за квалитетот на истата. Исто така, на министерствата им е наложено да воведат и медицински преглед за граѓаните кои планираат да посвојат или да бидат старатели на сирачиња. 

Сите права ги задржува „Росијскаја Газета“.