„Роснефт“ се појави и на Сардинија

„Роснефт“ најде начин да излезе и на италијанскиот пазар на деривати. Тоа го изврши со создавање на заедничко претпријатие со локалната компанија Saras. „Роснефт“ нема само да испорачува нафта на Сардинија, туку ќе учествува и во создавањето на нафтените продукти.

„Роснефт“ и италијанската компанија за преработување на нафта Saras S.P.A. склучија договор, кој предвидува можност за создавање на претпријатие на паритетна основа кое ќе се занима со процесирањето на нафтата и произведување на нафтени продукти.

Единствената рафинерија на Saras се наоѓа на Сардинија. Нејзината производна моќност изнесува 300.000 барели нафта на ден (15 милиони тони нафта годишно), што изнесува околу 15% од сите капацитети за преработување на нафтата во Италија. Во минатата година се појави неофицијална информација дека фабриката може да ја купи „Гаспром-нафта“. Компанијата таа информација ја негираше.

Откако италијанската компанија престана да купува сировина од Либија поради воениот конфликт, таа почна да бара други доставувачи. Преговорите се водеа со „Гаспром-нафта“, но и со други странски доставувачи, меѓу кои и Азербејџан. Договорот со „Роснефт“ е прв чекор во решавањето на дефицитот на нафта во капацитетите на Saras.

Сите права ги задржува „Росијскаја Газета“.