Туск: Климатските промени, економијата, тероризмот и Русија се проблемите со кои се соочува ЕУ

Претседателот на Европскиот совет Доналд Туск ги стави во ист кош активностите на Русија и проблемите врзани со климатските промени и тероризмот.

„Многу од проблемите кои се пред Европската унија се исти со оние со кои се судира Данска: климатските промени, економското заздравување, тероризмот и геополитичките закани од страна на Русија“, пишува на сајтот на Европскиот совет.

Туск му честиташе на новиот премиер на Данска Ларс Леке Расмусен и изрази надеж дека државата со новата влада ќе продолжи со „конструктивниот придонес во развојот и унапредувањето на Европската унија“.

Американскиот претседател Барак Обама во септември минатата година изјави дека најголема светска закана се Еболата, терористите во Сирија и Ирак, но и Русија. Идентична изјава кон крајот на јуни даде германската канцеларка Ангела Меркел, која, исто така, ја окарактеризира Русија како најопасниот предизвик покрај вирусот Ебола и „Исламската држава“.

Сите права ги задржува „Росијскаја Газета“.