Каде во Русија се најдолги белите ноќи?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Белите ноќи се една од летните атракции на Санкт Петербург, иако тој лежи малку појужно во однос на споменатата географска широчина. Официјално, белите ноќи овде започнуваат од 11 јуни и траат до 2 јули, но ноќите овде се многу светли од крајот на мај па сé до средината на јули.

Во Јакутск (62,0° северна географска широчина) белите ноќи почнуваат кон средината на мај и траат до јули. Меѓутоа, летото е многу кратко, па дури и во јуни може да има снег и лед.

Во Архангелск (64,5°) луѓето имаат можност да уживаат во белите ноќи од 17 мај до 26 јули.

А на арктичките географски широчини (над 66°33') белите ноќи се јавуваат пред поларниот ден, односно периодот кога сонцето воопшто не заоѓа зад хоризонтот. На пример, во Норилск (69°20') белите ноќи траат од крајот на март до крајот на април, а поларниот ден од мај до август.