Русија од први август ги обновува меѓународните авиолинии

Русија од први август го обновува меѓународниот авионски сообраќај, изјави премиерот Михаил Мишустин.

„Притоа се раководевме според епидемиолошката ситуација, според показателите на заболувањата и принципите на реципроцитет“, прецизираше тој.

Во странство ќе може да се отпатува од аеродромите во Москва, Московската област, Санкт Петербург и Ростов на Дон.

Заменикот-премиер Татјана Голикова објасни дека засега се работи за три земји - Велика Британија, Турција и Танзанија, но дека листата полека ќе се проширува.

Русија во март ги затвори границите поради пандемијата на новиот коронавирус. Преговори за обнова на сообраќајот се водат од средината на јули.  

При користење на материјалите на Russia Beyond задолжителен е хиперлинк до изворот од кој е преземен материјалот.